Poslovne vesti - Makedonija

Samsung GALAXY S III во Македонија

Само десетина дена по светската премиера, корисниците на ОНЕ имаат можност да поседуваат еден од најиновативните паметни телефони на денешницата Samsung GALAXY S III.

Станува збор за интуитивен паметен телефон кој ги препознава и разбира своите корисници и им овозможува да споделуваат фотографии, музички содржини и видеа со група корисници истовремено преку директен Вај-Фај и со далеку поголема ТВ компатибилност од било кој негов претходник.

Неговиот 4.8 инчен ХД Супер АМОЛЕД дисплеј на допир е со висока резолуција, реални бои и ултра-брзо време на одговарање, а поп-ап опцијата овозможува истовремено користење на две нешта, на пример маил и гледање ХД видео. Samsung GALAXY S III има основна 8 МП камера и втора 1.9 МП, стабилизатор на слика, ХД видео со висока резолуција и интеграција со социјалните мрежи.

За бизнис корисниците Samsung GALAXY S III нуди можност и за синхронизација на корпоративен маил, календар и контакти и брз пристап до документи и мултимедијални содржини. Работи на оперативен Андроид ОС, v4.0 и користи само микро СИМ картичка.

Во Македонија доаѓа во две бои, мермерно бела и сина, а ќе биде достапен во сите продажни салони на ОНЕ во земјата.